Oswaldo García Crespo

Doutor en Comunicación Audiovisual pola Universidade de Santiago de Compostela (USC), realicei estadías de investigación na Universidade Lusofona de Lisboa (Portugal), Universidade Federal de Santa Catarina (Brasil) e Universidade de Costa Rica. Participei en proxectos de innovación educativa a nivel internacional como o proxecto CIAKL (EAC/19/2011) e formei parte de proxectos de investigación competitivos a nivel nacional INCITE (10SEC362025PR).

As miñas liñas de investigación están asociadas a aplicación de estratexias narrativas audiovisuais no contexto dos novos medios.

Son realizador audiovisual con máis de dez anos de experiencia no sector, traballando para empresas públicas e privadas. Como realizador independente participei na realización de videoclips, a asistencia técnica a videoinstalacións e a construción de espazos visuais e sonoros para artistas plásticos e espectáculos.