Dobre Grao en Publicidade e RR.PP. e Comunicación Audiovisual
O Dobre Grao en Publicidade e Relación Públicas e Comunicación Audiovisual é un título oficial da Universidade de Vigo que ten como obxectivo a formación de profesionais altamente cualificados nos ámbitos da comunicación, o entretemento, a publicidade e a creación de contidos audiovisuais.
A proposta deste programa de simultaneidade xorde no marco da recente modificación do título de Grao en Publicidade e Relacións Públicas, que resposta á necesidade de actualizar os contidos académicos e aliñalos coa realidade socioeconómica actual. Esta revisión curricular permite introducir unha proposta máis flexible e adaptada aos cambios do sector, garantindo unha formación de maior calidade e adecuación as demandas profesionais.
Durante o proceso de revisión da memoria do Grao en Publicidade e Relacións Públicas, identificouse un crecente interese, tanto por parte do sector audiovisual e publicitario como do propio estudantado, na creación de perfís híbridos que combinen as competencias en creación de contidos audiovisuais e que entendan a realidade do mercado publicitario e da comunicación política e institucional. A sinerxía entre ambos títulos non só responde a unha demanda específica do tecido profesional, senón que tamén supón unha vantaxe competitiva para o alumnado, que accederá a un mercado laboral cada vez máis esixente cunha formación diferenciadora.
- Dirección e produción de contidos publicitarios audiovisuais
- Estratexia e xestión de comunicación en axencias de publicidade e márketing
- Creación e xestión de contidos para redes sociais, plataformas dixitais e medios de comunicación
- Consultaría en comunicación corporativa e institucional
- Desenvolvemento de proxectos de branding e identidade visual
- Dirección de comunicación en empresas e organizacións
- Produción audiovisual para publicidade, televisión e plataformas dixitais
- Dotar ao alumnado dunha formación interdisciplinar que combine competencias na produción audiovisual coa planificación estratéxica en publicidade e comunicación e xestión de relacións públicas.
- Fomentar a adquisición de habilidades na creación de contidos audiovisuais para campañas publicitarias e institucionais, tendo en conta as tendencias do mercado e as novidades en formatos, narrativas e contidos.
- Capacitar ao estudantado no uso de ferramentas tecnolóxicas combinando a creatividade audiovisual coa estratexia comunicativa.
- Formar profesionais polivalentes e competitivos para respostar ás necesidades de empresas, institucións, entidades e medios de comunicación, tanto en contornas dixitais e tradicionais.
- Desenvolver competencias para a análise e xestión da comunicación corporativa, institucional e política, empregando ferramentas audiovisuais para potenciar a difusión das mensaxes.
- Atender ás necesidades específicas do mercado da comunicación cunha perspectiva que vincule a creación de contidos e a estratexia.
- Ter competencias para desenvolver proxectos audiovisuais de diferentes naturezas comunicativas.
- Coñecer o ecosistema de comunicación do eido publicitario, o sistema audiovisual e as súas interxeccións.
| Materias | Profesorado |
|---|---|
| Comunicación: Documentación audiovisual | |
| Comunicación: Tecnoloxía dos medios audiovisuais | |
| Comunicación: Teoría e historia da comunicación | |
| Comunicación: Teoría e técnica da imaxe | |
| Creación de contidos I. Redacción | |
| Deseño gráfico I | |
| Estatística aplicada á comunicación | |
| Fundamentos da publicidade | |
| Fundamentos das Relacións Públicas | |
| Lingua española: Expresión textual e visual | |
| Lingua: Lingua galega | |
| Socioloxía: Socioloxía da comunicación |
| Materias | Profesorado |
|---|---|
| Creatividade I | |
| Economía aplicada á publicidade e ás RRPP. | |
| Empresa. Dirección e xestión de empresas audiovisuais | |
| Guión audiovisual | |
| Narrativa audiovisual | |
| Planificación e técnicas das Relacións Públicas I | |
| Posprodución I | |
| Teoría e historia da propaganda | |
| Teoría e técnica cinematográfica | |
| Teoría e técnica da fotografía | |
| Teoría e técnica da montaxe | |
| Xéneros cinematográficos |
| Materias | Profesorado |
|---|---|
| Creación e xestión da marca | |
| Creatividade II | |
| Dirección de fotografía | |
| Expresión sonora | |
| Guión, produción e realización de ficción | |
| Márketing estratéxico | |
| Márketing operativo | |
| Perfiles profesionais en redes sociais | |
| Planificación e técnicas das Relacións Públicas II | |
| Planificación extratéxica I. Estratexía de comunicación | |
| Realización audiovisual |
| Materias | Profesorado |
|---|---|
| Comunicación política | |
| Contornas virtuais de comunicación | |
| Creación de contidos IV. Dixital | |
| Deseño gráfico II | |
| Dirección artística | |
| Estrutura publicitaria e xestión de contas | |
| Guión e deseño transmedia | |
| Guión, produción e realización de informativos | |
| Marco normativo da publicidade e as Relacións Públicas | |
| Planificación estratéxica II. Planificación de medios | |
| Planificación estratéxica III. Medición e avaliación |
| Materias | Profesorado |
|---|---|
| Cine de non ficción | |
| Creación audiovisual en novos medios | |
| Creación de contidos III. Comunicación sonora | |
| Desenvolvemento de proxectos web e multimedia | |
| Fotografía publicitaria e de produto | |
| Prácticas en empresa | |
| Proxectos e portfolio | |
| Tendencias narrativas en medios de comunicación | |
| Traballo de Fin de Grao - Publicidade | |
| Traballo de Fin de Grao – Comunicación audiovisual |
Calendario académico
Coñece as instalacións da Facultade
Na Facultade de Comunicación da UVigo tes todo o que necesitas para aprender facendo: aulas modernas, platós, laboratorios audiovisuais e espazos creativos que están pensados para que poidas explorar, practicar e sacar o máximo proveito á túa etapa universitaria. Aquí non só se estuda… tamén se crea.
